Windows 11 version 24H2 security update KB5063878 хувилбарт ноцтой алдаа илэрч байна
Майкрософт компаниас 2025 оны 8 дугаар сарын 12-ны өдөр Windows 11 version 24H2 security update KB5063878 хувилбарыг гаргасан бөгөөд энэхүү аюулгүй байдлын шинэчлэлтийн багц нь хэд хэдэн асуудлыг дагуулаад байна.
Зарим хэрэглэгчид Ox80240069 кодыг суулгахад алдаа гарсан гэж мэдээлж байгаа бөгөөд энэ нь Windows Server Update Services (WSUS)-аар дамжуулан шинэчлэлтийг байршуулах үетэй дахцсанаас үүдэлтэй хэмээн энэ асуудлыг зассан бөгөөд цаашид асуудал байх ёсгүй гэж Майкрософт мэдэгдэв.
Гэсэн хэдий ч энэ нь KB5063878 шинэчлэлттэй холбоотой цорын ганц асуудал биш байсан бөгөөд илүү ноцтой алдаа илэрсэн. Уг алдаа нь Windows шинэчлэлтийн 24H2 KB5063878 хувилбарыг суулгасны дараа хэрэглэгчдийн компьютерын (SSD) болон (HDD) хатуу дискүүд үйлдлийн системээс алга болоод зогсохгүй, файлууд устаж өгөгдлийг сэргээх боломжгүй болгож байна.
Энэхүү ноцтой асуудал өргөн тархаагүй гэж мэдэгдээд байгаа боловч тус хувилбарт шилжин асуудалд өртсөн хэрэглэгчид нэмэгдсээр байгаа юм. Энэ асуудал нь их хэмжээний өгөгдөл, ялангуяа 50ГБ-аас их хэмжээтэй файл бичих мөн хард диск 60%-аас дээш дүүрсэн тохиолдолд SSD болон HDD хард диск дээр тохиолдож байна. Доор дурдсан хард дискнүүдийг ашигладаг бол уг ноцтой асуудал үүсэх магадлалтай байж болзошгүй хэмээн мэргэжилтнүүд үзэж байна. Үүнд:
- Corsair Force MP600
- SSDs using the Phison PS5012-E12 controller
- KIOXIA EXCERIA PLUS G4 / KIOXIA M.2 SSDs
- Fikwot FN955
- SSDs using the InnoGrit controller
- Maxio SSDs
- SanDisk Extreme Pro 3D
Харин Майкрософт компани асуудлуудыг албан ёсоор засаагүй ч тус компани хэвлэл мэдээллийн хэрэгслүүдэд "Бид эдгээр мэдээг мэдэж байгаа бөгөөд түншүүдтэйгээ хамтран шалгаж байна" гэсэн мэдэгдлийг гаргаад байгаа юм.
Тиймээс өөрийгөө хэрхэн хамгаалах вэ?
Шинэчлэлтүүдийг түр зогсоох: Хэрэв та KB5063878 шинэчлэлтийг суулгаагүй байгаа бол тодорхой засвар, шинэчлэлт хийгдэх хүртэл Windows шинэчлэлтийг түр зогсоох хэрэгтэй.
Өгөгдлөө нөөцлөх: Өгөгдөл алдагдах, дискний эвдрэл гарах эрсдэлтэй тул бүх чухал өгөгдлүүдийг нөөцлөх хэрэгтэй юм.
Шинэчлэлтийг устгах: Хэрэв та аль хэдийн шинэчлэлт суулгасан бөгөөд асуудалтай байгаа бол үүнийг устгах хэрэгтэй юм.
